للأسف دايما دماغ الدكاترة جايباهم لورا .. دايما بيحطوا نفسهم فى وش المدفع بوعى و بدون وعى ..
سواء على المستوى العام لما كله بيحط نفسه فى موقف دفاع و يشوط فى اللى طلع تريند بحالة إهمال طبى مزعومة ..
أو على المستوى الخاص لو صحت رواية ابن السيدة اللى ماتت أنه الدكتور قاله ما تموت هاعملها إيه .. مع إن سهل جداً بكام كلمة بسيطة تاخد المرافق فى صفك و بشكل ضمني توجهه للمسؤول الحقيقى و تزقه فى سكته ..
مش هاتعمل أى مجهود زيادة غير إختيار كلامك بس .. و طلع نفسك من وسطيهم .. عارف إنك جايب آخرك بس أمانك الشخصى و المهنى مهم برضه .. و بالبلدى كدا الفهلوة و الكلام المزوق اللى بيبلف مرافق العيان شئ لا غنى عنه لأى دكتور فى مصر (أكيد لا يخفى عليكم إن اللى لسانه حلو فى مصر بيكسب ماديا أكتر من اللى شغله أحسن ) .. عشان كدا لسانك ممكن يكون أهم من علمك و مهارتك العملية كمان
و كمثال على دا .. الدكاترة التانين اللى الولد ذكرهم فى الفيديو و كشف عندهم بشكل خاص و مذكرهمش بأى سوء و أكيد حافظلهم جميلة أنهم وجهوه و حذروه فى أول الموضوع خالص .. مع أنه دفعلهم فلوس مش رايح ياخد خدمة ببلاش زى المستشفى العام و مع إنهم عارفين الوضع فى المستشفيات عامل إزاى ..
نرجع للمستوى العام .. فى تريند و بيسمع أهه نعمل إيه إحنا كدكاترة .. نركب التريند و نفكر الناس إننا فى كارثة و إن المنظومة كلها محتاجه دعم و نستفيد من اللى بيحصل و نوجه غضب الناس لصالحنا حتى لو هنتغاضى أو هانعترف مجازاً بالجزء اللى شايفينه الناس غلط الدكاترة و مرمى عليهم ؟! .. للأسف دا محصلش اللى بيحصل إننا بناخد موقف المدافع و نبدأ نشوط فى صاحب المشكلة مش بس بنفند كلامه لأ احنا هانغلط فيه زى ما بيغلط فينا و نقول إنه بيتاجر بأمه و أنه هو السبب فى أنه جالها الفيروس .. تقوم ترد فى صدرنا تانى و الناس تسيب كل حاجه و تبدأ تهاجم الدكاترة و تشيلهم الليلة كلها .. و لو حظنا حلو و وقعنا فى حد بيفهم شوية هتلاقيه برضه سايب نقص الإمكانيات و تكدس المستشفيات و قلة سراير الرعاية .. و بيتكلم عن إن إزاى الدكتور مبيعقمش الجهاز من مريض لمريض و إزاى مش بيتعاطف مع إبن المريضة و لا إزاى مركبلهاش قسطرة و سابهم ينقلوها بنفسهم للحمام ! ..
مع أن المفروض الناس كلها عارفة إن الست مماتتش عشان إبنها سمع كلمة وحشة من الدكتور و لا عشان حطلها على صباعها جهاز مش متعقم ولا عشان قوموها تدخل الحمام .. علاجها الوحيد كان جهاز تنفس صناعى اللى مش متوفر منه غير خمسة فى المستشفى و كلهم مستخدمين مع مرضى تانين و يبقى فعلا حظ الست حلو لو واحد من المرضى دول توفاه الله و سابلها مكانه عشان تتلحق ! ..
ياعم طاوعهم على المستوى العام و قول إن أيوه دا غلط و دا إهمال .. لو هاتعرف بدا توصلهم أنه مننساش إن مشكلة عدم توافر الجهاز مش مسؤولية الدكتور .. ومع ذلك الدكتور الوحش دا هانقوله ميعملش الحاجات دى تانى .. وانت يا مواطن بقى قول للمسؤوليين يوفروا أجهزة و أماكن أكتر لخدمة الناس ..
و مدير المستشفى يعمل تحقيق صورى داخلى و النقابة ممكن تعمل بيان عائم كعادتها تمتص بيه غضب الناس .. اللى هو احنا متابعين التحقيق أهه و مش هانسكت لأى مقصر .. و دا قبل ما يتاخد البونط من المحافظ و تبقى نيابة عامة .. و فى اخر بيان المدير و النقابة نأكد على مطالبة المسؤولين بأساميهم لمراجعة العجز الشديد فى التجهيزات الطبية و اللى بيتمثل فى كذا وكذا زى ما ورد فى الحادثة المذكورة !
و على المستوى الخاص يا زميلى الفاضل ..انا عارف انك متأكد إن مش فى إيدك حاجه للمريضة دى بالذات و مهما عملت مش فارق طبيا فى حاجه .. ليه بقى متستغلش حرص الناس و خوفهم على ذويهم بإنك تكسب تعاطفهم .. ياعم مثِّل إنك بتحاول .. شوف العيان و زعق ف الإستقبال "مع الإتفاق مع زمايلك من التمريض" .. و اطلع بتشخيصك و وصله بشكل السينمائى اللى الناس بتحبه .. اللى هو قول لإبنها
"إلحقنى و ساعدنى المريضة هاتروح منى محتاجه حالا جهاز تنفس صناعى و كل اللى عندنا خمسة و مشغولين .. اتحرك و اعمل اللى تقدر عليه اشتكى ف الوزارة اشتكى فى المديرية .. و الحاجه فى عنينا و هانعمل اللى ربنا يقدرنا عليه بس مقدرش أوعدك بحاجه لأننا من غير جهاز تنفس صناعى .. محتاجين معجزة! ”
الخلاصة إننا بندخل فى معارك خسرانة و مش بنستفيد حاجه غير إننا بنتكلم فى فرعيات و بنساعد الناس ينسوا الأصل .. و فى ناس فوق مرتاحين و مبسوطين و هما بيتفرجوا علينا و إحنا بنتخانق مع الشعب و محطوط علينا و بنحاول نحط عليه إحنا كمان !
أخد الحق صنعة.
منقول
سواء على المستوى العام لما كله بيحط نفسه فى موقف دفاع و يشوط فى اللى طلع تريند بحالة إهمال طبى مزعومة ..
أو على المستوى الخاص لو صحت رواية ابن السيدة اللى ماتت أنه الدكتور قاله ما تموت هاعملها إيه .. مع إن سهل جداً بكام كلمة بسيطة تاخد المرافق فى صفك و بشكل ضمني توجهه للمسؤول الحقيقى و تزقه فى سكته ..
مش هاتعمل أى مجهود زيادة غير إختيار كلامك بس .. و طلع نفسك من وسطيهم .. عارف إنك جايب آخرك بس أمانك الشخصى و المهنى مهم برضه .. و بالبلدى كدا الفهلوة و الكلام المزوق اللى بيبلف مرافق العيان شئ لا غنى عنه لأى دكتور فى مصر (أكيد لا يخفى عليكم إن اللى لسانه حلو فى مصر بيكسب ماديا أكتر من اللى شغله أحسن ) .. عشان كدا لسانك ممكن يكون أهم من علمك و مهارتك العملية كمان
و كمثال على دا .. الدكاترة التانين اللى الولد ذكرهم فى الفيديو و كشف عندهم بشكل خاص و مذكرهمش بأى سوء و أكيد حافظلهم جميلة أنهم وجهوه و حذروه فى أول الموضوع خالص .. مع أنه دفعلهم فلوس مش رايح ياخد خدمة ببلاش زى المستشفى العام و مع إنهم عارفين الوضع فى المستشفيات عامل إزاى ..
نرجع للمستوى العام .. فى تريند و بيسمع أهه نعمل إيه إحنا كدكاترة .. نركب التريند و نفكر الناس إننا فى كارثة و إن المنظومة كلها محتاجه دعم و نستفيد من اللى بيحصل و نوجه غضب الناس لصالحنا حتى لو هنتغاضى أو هانعترف مجازاً بالجزء اللى شايفينه الناس غلط الدكاترة و مرمى عليهم ؟! .. للأسف دا محصلش اللى بيحصل إننا بناخد موقف المدافع و نبدأ نشوط فى صاحب المشكلة مش بس بنفند كلامه لأ احنا هانغلط فيه زى ما بيغلط فينا و نقول إنه بيتاجر بأمه و أنه هو السبب فى أنه جالها الفيروس .. تقوم ترد فى صدرنا تانى و الناس تسيب كل حاجه و تبدأ تهاجم الدكاترة و تشيلهم الليلة كلها .. و لو حظنا حلو و وقعنا فى حد بيفهم شوية هتلاقيه برضه سايب نقص الإمكانيات و تكدس المستشفيات و قلة سراير الرعاية .. و بيتكلم عن إن إزاى الدكتور مبيعقمش الجهاز من مريض لمريض و إزاى مش بيتعاطف مع إبن المريضة و لا إزاى مركبلهاش قسطرة و سابهم ينقلوها بنفسهم للحمام ! ..
مع أن المفروض الناس كلها عارفة إن الست مماتتش عشان إبنها سمع كلمة وحشة من الدكتور و لا عشان حطلها على صباعها جهاز مش متعقم ولا عشان قوموها تدخل الحمام .. علاجها الوحيد كان جهاز تنفس صناعى اللى مش متوفر منه غير خمسة فى المستشفى و كلهم مستخدمين مع مرضى تانين و يبقى فعلا حظ الست حلو لو واحد من المرضى دول توفاه الله و سابلها مكانه عشان تتلحق ! ..
ياعم طاوعهم على المستوى العام و قول إن أيوه دا غلط و دا إهمال .. لو هاتعرف بدا توصلهم أنه مننساش إن مشكلة عدم توافر الجهاز مش مسؤولية الدكتور .. ومع ذلك الدكتور الوحش دا هانقوله ميعملش الحاجات دى تانى .. وانت يا مواطن بقى قول للمسؤوليين يوفروا أجهزة و أماكن أكتر لخدمة الناس ..
و مدير المستشفى يعمل تحقيق صورى داخلى و النقابة ممكن تعمل بيان عائم كعادتها تمتص بيه غضب الناس .. اللى هو احنا متابعين التحقيق أهه و مش هانسكت لأى مقصر .. و دا قبل ما يتاخد البونط من المحافظ و تبقى نيابة عامة .. و فى اخر بيان المدير و النقابة نأكد على مطالبة المسؤولين بأساميهم لمراجعة العجز الشديد فى التجهيزات الطبية و اللى بيتمثل فى كذا وكذا زى ما ورد فى الحادثة المذكورة !
و على المستوى الخاص يا زميلى الفاضل ..انا عارف انك متأكد إن مش فى إيدك حاجه للمريضة دى بالذات و مهما عملت مش فارق طبيا فى حاجه .. ليه بقى متستغلش حرص الناس و خوفهم على ذويهم بإنك تكسب تعاطفهم .. ياعم مثِّل إنك بتحاول .. شوف العيان و زعق ف الإستقبال "مع الإتفاق مع زمايلك من التمريض" .. و اطلع بتشخيصك و وصله بشكل السينمائى اللى الناس بتحبه .. اللى هو قول لإبنها
"إلحقنى و ساعدنى المريضة هاتروح منى محتاجه حالا جهاز تنفس صناعى و كل اللى عندنا خمسة و مشغولين .. اتحرك و اعمل اللى تقدر عليه اشتكى ف الوزارة اشتكى فى المديرية .. و الحاجه فى عنينا و هانعمل اللى ربنا يقدرنا عليه بس مقدرش أوعدك بحاجه لأننا من غير جهاز تنفس صناعى .. محتاجين معجزة! ”
الخلاصة إننا بندخل فى معارك خسرانة و مش بنستفيد حاجه غير إننا بنتكلم فى فرعيات و بنساعد الناس ينسوا الأصل .. و فى ناس فوق مرتاحين و مبسوطين و هما بيتفرجوا علينا و إحنا بنتخانق مع الشعب و محطوط علينا و بنحاول نحط عليه إحنا كمان !
أخد الحق صنعة.
منقول